Tababarka Tababarayaasha Waxbarashada Madaniga Ee Dib-U-Eegista Dastuurka Oo Jowhar lagu soo gaba gabeeyey.

Radio Gaalkacyo:-Magaalada Jowhar ee caasimadda Dowlad Goboleedka Hirshabeelle waxaa ku soo gabagaboobay tababarka tababarayaasha Waxbarashada Madaniga iyo Wacyigelinta Dadweynaha ee dib-u-eegista Dastuurka kasoo qabashadiisa ay iska kaashteen Wasaaradda Arrimaha Dastuurka ee XFS iyo Wasaaradda Dastuurka iyo Federaalka ee Hirshabelle.

Maxamed Bashiir oo ah Agaasimaha Qorsheeynta ee Wasaaradda Ariimaha Dastuurka ee XFS ayaa uga mahadceliyay dhamaan ka qeybgalayaashi tababarka sida ay u qaateen tababarka wuxuuna uu ka codsaday in ay tababarka sii gaarsiiyaan dhamaan shacabka ku nool Hirshabeelle.

Wasiirka Dastuurka iyo Arrimaha Federaalka ee Dowlad Goboleedka Hirshabeelle Mudane Maxamed Cabdiraxmaan ayaa soo xiray tababarka isagoo ka qeybgalayaasha kula dardaarmay inay door muuqda ka qaataan howlaha dib-u-eegista Dastuurka.

Ugu dambayn, dhamaan ka qeybgalayaashi tababarka ee ka kala socday Bulshada Rayidka iyo hay’adaha dowladdda ee Hirshabeelle ayaa la gudoonsiiyay shahaadooyin muujinayay inay qaateen tababarka tababarayaasha Waxbarashada Madaniga iyo Wacyigelinta Dadweynaha ee dib-u-eegista Dastuurka.

Wixii fariin ah waxaad Radio Gaalkacyo ugu soo haggaajin kartaa Ciwaanka:- codadka@gmail.com, Nagala soo xiriir Telfoonada kala ah +2525853330, +252907795004,

Leave a Reply